Briss + Kriss

2008-10-11T21:51:00.001Z

Ég fór ómáluð út í dag, sem betur fer náðust engar myndir.

2007-05-28T00:41:00.000Z

Myndin hér til hliðar er tekin í gær og eins og sést er ég kasólétt. Við fórum í langan göngutúr í Grasagarðinum. Löbbuðum upp að Áskirkju sem er fyrir ofan Laugardalinn og eru þó nokkuð margar tröppur á leiðinni þangað upp en að gagna upp stiga er eitt af mörgum húsráðum sem reynd hafa verið til að koma ferlinu af stað.

2007-05-26T11:00:00.000Z

Ekkert hefur ennþá gerst og óléttan endarlausa heldur áfram.

2007-05-24T22:00:00.000Z

Ekkert að gerast, er ennþá ólétt.

2007-05-23T15:02:00.000Z

Ég er ennþá með hjartslátt í maganum!!!!!

Það er greinilega voða kósí þar inni þar sem barnið virðist ekki hafa mikin áhuga á því að koma út. Í dag er vika síðan áætlaður komutími var en ég er nú vön að gera allt á síðustu stundu.

2006-11-09T19:03:00.000Z

Ég er með hjartslátt í maganum!!!

2006-08-28T22:12:00.000Z

Í dag á Stefán Bjartur fjögurra ára afmæli, hér eru myndir sem teknar voru í afmælisveislunni í gær. Hann náði að blása á öll kertinn en svo kveiknaði á þeim aftur, þetta voru hrekki kerti, einu afmæliskertin sem til voru í Hagkaup!!

2006-06-17T12:08:00.000Z

Í dag 17. júní eigum við Kristján eins árs brúðkaupsafmæli og í tilefni þess ákváðum við hjónin að gera okkur dagamun og rölta niður í bæ í sparifötunum.

2006-05-23T18:12:00.000Z

Í kvöld munum við Sunna birtast í þættinum Innlit útlit og breyta barnaherbergjunum hjá hvor annari, með aðstoð ástkærra eiginmanna okkar. Einnig eru þarna einhverjir stílistar sem koma við sögu en þeir eru nú bara til skrauts þar sem við Sunna erum annaálaðar fyrir smekklegheit...........

Þessi mynd er ekki tekin við breytingarnar þó stundum hefði verið gott að hafa eitthvað styrkjandi við hendina.

2006-04-22T13:16:00.000Z

Fyrir 25 árum eignaðist ég litla systur, hana Elísu. Ég man eftir því að pabbi kom í hádegismat til ömmu og afa í Túngötunni og hringdi á sjúkrahúsið til að athuga hvort mamma væri búin að eiga. Kannski keyrði hann hana þangað á leiðinni í vinnuna um morguninn, svoleiðis var þetta víst í gamla daga.

Elísa til hamingju með daginn.

2006-04-07T18:45:00.000Z

Ómerkikertið ég er í viðtali í Mogganum í dag. Þar segi ég frá blindraveitingastaðnum í Berlín sem við Kristján fórum á í brúðkaupsferðinni okkar. Á myndinni sem fylgir myndinni ber ég hinsvegar enginn merki um það að vera gift því ég er ekki með hringinn minn. Þetta var algjör klaufaskapur í mér, við Kristján erum ennþá í góðu stuði og harðgift.

2006-04-07T10:41:00.000Z

Það er eitthvað við átakið sem er í gangi hjá Hjálparstofnun kirkjunnar, Gefðu geit, sem minnir mig á fóstbræðraskets.

2006-02-07T22:21:00.000Z

Þá er ég búin að horfa á tvo þætti af Lost og hef sofið eins og ungabarn næturnar eftir. Ég er hætt að vera hrædd en er hinsvegar orðin ringluð. Ástæðan er sú að ég sá þátt um um Lost þar sem höfundarnir sögðu að það væru rökréttar skýringar á þessu öllu saman og það væri ekkert yfirnáttúrulegt í gangi á þessari eyju. Mér finnst einmitt að eftirfarandi hljóti að eiga sér afar eðlilegar skýringar. Kona sem bjó í holu í mörg ár, maður sem sennilegast búið í nokkur ár í innréttuðu rými lengst niðri í jörðinni og bíður eftir manni sem ætlar að segja honum brandara um snjókarla, gömul freygáta lengst inn í landi, fólk sem kallað er hinir og sýndist mér það vera vopnað eins og vondukarlarnir í Hringadróttinssögu og svo má ekki gleyma ísbjörninum í risaeðlustærð sem býr á þessari hitabeltiseyju.

2006-01-30T21:44:00.000Z

Lost byrjar eftir hálftíma og ég ætla að horfa. Mig dreymdi reyndar einhverskonar sambland af Lost og Despered housewifes, síðastliðna nótt og svaf frekar illa.

2006-01-24T15:54:00.000Z

Það er komið upp smá vandamál hjá mér. Sá að Lost byrjar á næsta mánudag, sýnt var voða spennandi sýnishorn í gær. Þegar síðasta þáttaröð var sýnd, svaf ég alltaf svo illa nóttina eftir að veit ekki hvort ég hreinlega treysti mér í fleiri þætti, var mjög fegin þegar síðustu tveir þættirnir voru sýndir í einum rykk. Ég þarf að vita hvað gerist næst vegna þess hversu forvitin ég er. Kannski verð ég að taka þá upp og alltaf hætta horfa eftir ,,væmna" þáttinn þar sem ekkert krípí gerist eða biðja Kristján að endursegja þáttinn þegar hann er búin að horfa. Best væri að fá Lost sem bók eru þær ekki líka alltaf betri en myndin.

Annað hryllilegt er finnska óperurokkið sem er alltaf verið að spila á rás 2.

2006-01-16T21:46:00.000Z

Þá hef ég loksins svarað öllum í þessum kjánalega leik.

Er að fara til London í mars og Færeyja í maí jibbí.

2005-12-19T16:03:00.000Z

Copy paste.

Comentaðu nafninu þínu og..

1. Ég segi þér eitthvað handahófskennt um þig.

2. Ég segi þér hvaða lag/mynd minnir mig á þig.

3. Ég segi þér hvaða bragð minnir mig á þig.

4. Ég segi þér fyrstu ljósu minninguna mína af þér.

5. Ég segi þér á hvaða dýr þú minnir mig á.

6. Ég spyr þig að einhverju sem ég hef velt lengi fyrir mér um þig.

7. Ef þú lest þetta verðuru að setja þetta á bloggið þitt.

2005-12-04T01:55:00.000Z

Í gær bauð Kristján mér á jólahlaðborð á Lækjarbrekku og í leikhús að sjá Himnaríki sem var allt voða næs. Í dag á ég 30 ára afmæli og þarf að læra fyrir próf svo ég vil fá sem mestan stuðning og hugheilar kveðjur á kommentakerfið.
Með fyrirfram þökk.
Bryndís (30)

2005-11-10T21:08:00.000Z

Er komin aftur heim hér er hægt að lesa ferðasöguna, ég mun svo kannski bæta einhverju við seinna.

2005-10-26T19:35:00.000Z

Er að fara til útlandana á morgun og er komin með smá spenning í magann. Fengum flugferð frá bestu vinkonum mínum í brúðkaupsgjöf. Fór áðan og keypti rauða risastóra ferðatösku, ætla sko ekki aftur með gömlu portúgalshasstöskuna sem hundur var að reyna naga þegar ég kom síðast að utan. Ég á örugglega eftir að fylla hana því ég get pakkað létt, alltaf með allan fataskápinn og nota svo ekki helmingin. Við eigum örugglega eftir að gera ýmislegt skemmtilegt, pantuðum t.d borð á veitingastað þar sem borðað er í algjöru myrkri og þjónarnir eru blindir, sú sem benti okkur á þennan stað mælti sérstaklega með óvissuferðinni. Núna ætla ég að horfa á Tyru, athuga hvort ég gæti náð mér í einhver tips fyrir myndatökur í ferðalaginu og svo er bara reyna að fara sofa.

2005-10-22T00:02:00.000Z

Ég fékk nýja vegabréfið mitt í pósti í dag. Þegar ég fór að láta taka myndina í það þá spurði konan hvort ég vildi vera brosandi eða ekki og fór að segja mér frá því að í Bandaríkjunum og Bretlandi sé búið að banna fólki að brosa á myndunum í vegabréfunum, hvaða máli skiptir það hvort maður sé brosandi eða ekki? Ég var skælbrosandi á myndinni í mínu, það er svo gaman að fara til útlanda að ég gat bara ekki annað en brosað. Ætli ég þurfi þá að fá nýtt vegabréf ef ég ætla að fara til Bandaríkjana?

Það kom líka annað bréf í póstinum það sem búið var að skrifa símanúmer utan á það, þetta var eitthvað ómerkilegt bréf um að ég fengi 3500kall í lífeyri á mánuði. Hvað er þetta símanúmer að gera þarna, á ég að hringja?

Eins og kom fram í klukkinu þá er ég með ferstunarsýki á hættulega háustigi, get aldrei verið með t.d verkefni í skólanum tilbúin á réttum tíma. Ég held að ef ég væri búin að vinna jafnt og þétt og gæti bara farið snemma að sofa daginn fyrir skil, myndi mér finnast að ég hefði ekki haft neitt fyrir verkefnunum. Ég átti að skila útsaumi á síðasta miðvikudag og er með allt ennþá hjá mér og ekki alveg búin svo á ég reyndar eftir að gera heilan helling áður en ég fer út, ég geri það bara kvöldið áður en ég fer út.

2005-09-25T10:27:00.000Z

Ég var klukkuð af Stínu au-pair, hér koma fimm óþarfar staðreyndir um mig.

1. Ég verð aldrei sjóveik, fór fyrst út á sjó 9 mánaða.

2. Mér finnst gott að sofa út.

3. Ég man dagsetningar ótrúlegavel, t.d hvað ég var að gera 22. okt 2003

4. Ég hef horft á Leiðarljós, veit hvað allar persónurnar heita.

5. Ég er með fresturnarsýki, geri allt á síðustu stundu og kem yfirleitt of seint.

Ég klukka Elísu, Jóhönnu, Kiddý, Sunnu og Elínu skólasis

2005-09-08T22:00:00.000Z

Úff í skólanum í gær var ég með kennarasleikjunni allan daginn, svo við
Sunna ákváðum að skreppa upp í Kringlu í hádeginu í smá therapíu. Sunnu vantaði svartar ermar, sem eru bráðnauðsynlegar þegar maður vill ekki alltaf vera að flagga bingóhandleggjunum, við fórum í uppáhalds búðina okkar. Þar fundum við þessar fullkomnu ermar og vorum við svo heppnar að starfsfólk búðarinnar hafði eitthvað ruglast á verðmerkibyssunni og kostuðu þær 1350kr, vinkona okkar keypti svona ermar fyrr í sumar á 4ooo kall, svo var verðið á þeim enskum pundum á miðanum sem var 36 pund þannig það var eitthvað rugl í gangi. Ég keypti líka pils sem átti að kosta 45 pund en var merkt á 1600 kall svo ég keypti það líka við ætluðum varla að þora á kassan því við héldum að þessi villa væri ekki í kassakerfinu, vá hvað við vorum ánægðar þegar við fórum aftur í skólan, í rússi, eftir að hafa gert kaup ársins. Það sem við erum samt svo hissa á er að engin virist skilja okkur þegar við erum að tala um þetta. Kriss spurði mig t.d hvort ég vildi fara að fá hans hlið í fataskápnum.

2005-09-03T22:51:00.000Z

Skólinn byrjaði aftur í vikunni og var ekki þverfótað þar fyrir fjarnemum ekki var hægt að komast á klósettið, fá bílastæði eða að borða þar sem þeir voru allstaðar, fjandans fjarnemar. Ég hitti fáar bekkjarsystur mínar sem var svolítið leiðinlegt og ennþá leiðinlegra var ein kelling sem er með mér í textíldeildinni, hún var endalaust gjammandi á meðan kennarinn var að útskýra verkefnin sem við eigum að skila ,,hvað á það að vera magar blaðsíður, hversu mörg stykki eru það sem á að skila" og svo að auki er hún kennarasleikja, algjörleg óþolandi , en annars leggst þetta bara nokkuð vel í mig.

2005-08-17T21:51:00.000Z

Í dag eru liðnir tveir mánuðir frá partýinu góða og í tilefni þess birtust hér herra og frú Sleggja með konfekt, það var verkefni þess sem datt út nr. 2 í stólaleiknum í brúðkaupinu. Þökkum við þeim kærlega fyrir. Enginn kom 17. júlí og hafa farið fram miklar vangaveltur hver datt fyrst út í þessum áðurnefndaleik. Mig langar að biðja viðkomandi að láta mig vita hver hann er, svona til að hægt sé að hætta þessum endalausu heilabrotum, umræðum og útilokunar aðferðum, hann verður ekki rukkaður um neitt, ég skulda víst ennþá sjálf bílaþvott síðan 25. apr síðastliðinn.

Bloggsíður spretta upp eins og gorkúlur svo ég þarf að bæta við linkum, þeir koma bara í handahófkenndri röð, kann ekki stafrófið

2005-08-13T13:26:00.000Z

Þetta kom í tölvupóstinn hjá mér í kennó

Fimleikapróf verður mánudaginn 22 ágústkl.14.00

Ætli ég verði að mæta?

Sumir kennarar og starfsmenn skólans senda póst á alla nemendur. Í vor var ég t.d alltaf að fá póst um að frestur til að skrá sig í útskrift væri að renna út, ég var á fyrsta ári!!!

2005-08-06T10:12:00.000Z

Mikið er erfitt að byrja aftur, geri það til að létta lund hjá ákv. manneskju!!! Ekkert hefur gerst á kommentakerfinu eftir ég setti inn myndaalbúmið en hef fengið nokkur komment beint í andlitið t.d að það hafi lekið af okkur kúlið og að fólk hafi fellt tár við að skoða myndirnar.

Það var ótrúlegt hvað allt gerðist hratt þennan dag og sitthvað gleymdist í öllum hamaganginum t.d eigum við allavega þrjú kíló af kaffi núna og kaffiservétturnar sem gleymdust, komu að góðum notum þegar klósettpappírinn kláraðist um daginn!! Það tekur örugglega jafnlangan tíma að ganga frá öllu eftir brúðkaupið og að undirbúa það. Til að koma öllum gjöfunum fyrir þarf að laga til í öllum skápum og geymslunum líka, erum líka á leiðinni til útlanda í haust svo það er eintóm hjónabandssæla framundan.

Annað sem við höfum gert í sumar er hægt að lesa hjá Kriss

Stefán er búin að vera duglegur og er loksins hættur með bleyju, vekur okkur stundum á nóttinni til að fara pissa. Hann vaknaði óþarflega snemma í morgun og kvartar svo yfir því núna að hann sé þreyttur, maður á þá bara sofa lengur á morgnana!!!! Hvað er ég að kvarta hér, hann var að hætta með bleyju en ekki að læra lesa.

Það er að renna á mig hálgert kaupæði, gerist alltaf á haustin keypti mér t.d bleika háhælaða skó og hatt til að nota í vetur þrjú pils og tvær peysur, langar í eitt pils í viðbót erfitt að standast útsölu þar sem er 70% afsláttur.

Jæja nóg af rugli sjáumst í september

2005-07-06T21:40:00.000Z

Ég hef undanfarna daga verið að púsla saman myndaalbúmi á netinu og hér er
linkur á það. Brúðkaupsdagurinn var frábær og myndirnar segja betur frá en ég.....þær eru allavega nógu margar.

2005-06-20T00:00:00.000Z

Þetta var æði, takk fyrir okkur!!!!

2005-06-07T21:21:00.000Z

Á síðasta laugardag fékk ég senda körfu um klukkan hálf tvö, í henni var voru gamalr myndir af mér í bekkjarpartý þar sem ég var með skemmtiatriði. Búið var að endurgera búninginn sem ég var í á myndunum og átti ég að reyna líkjast stelpunni á myndunum sem mest. Upphófst nú mikið stresskast þar sem ég hafði aðeins hálftíma að gera mig tilbúna og pakka niður allkyns dóti sem ég átti að hafa meðferðis. Klukkan tvö var ég svo sótt af manni á mótorhjóli, hræddi hann úr mér líftóruna og skilaði mér svo að lokum niður í grasagarð þar sem umslag beið mín, var þar einnotamyndavél og skilaboð frá vinkonum mínum. Ég leysti hinar ýmsu þrautir í garðinum og þurfti að biðja gesti garðsins að taka myndir af mér við hinar ýmsu aðstæður. Þegar því var lokið hitti ég vinkonur mínar sem höfu dúkað upp borð og buðu upp á bjór og samlokur, það var reyndar ekki eins og ég hefði ekki fengið neitt að drekka í ratleiknum. Þegar ég hafði kastað mæðinni var mér tilkynnt að ég væri á leið á landsleik í fótbolta þar sem ég væri með skemmtiatriði í hálfleik, þær voru með músikina og ég átti að æfa dans. Ég var nú ekki alveg til í þetta, frekar önug gæs með stæla, ég sá samt það að þýddi ekkert að mótmæla og æfði mig aðeins. Reyndar var mér orðið ólgatt af stressi og reyndi að stinga af þegar við löggðum af stað á leikinn, sem betur fer var þetta allt saman algjör lygi og við fórum í Laugar en ekki á Laugadalsvöllinn. Í Laugum fórum við danstíma þar sem við lærðum nokkur dansspor og fékk ég svo herra sem dansaði við mig, reyndar varð ég að fá mér tyggjó svo ekki myndi svífa á hann. Eftir nokkur frábær danstilþrif var ég send í nudd fórum við svo í gufubað og eftir það fengum við okkur drykk á veitingastaðnum. Eftir alla þessa afslöppun gerðum við okkur sætar og fínar fórum við í heimahús borðuðum góðan mat og drukkum mikið mikið áfengi, allavega ég. Ég fékk svo gjafabréf í gerfineglur daginn fyrir brúðkaupið, þetta var frábær dagur og ég þakka alveg innilega fyrir mig. Einnig verð ég að biðja Kristján afsökunar á öllum geðvonskuköstunum sem ég tók í síðustu viku þegar ég efaðist um það að vinkonur mínar væru undirbúa eitthvað fyrir mig. Hvernig gat ég eftast um það veit ég ekki, þar sem ég virðist eiga bestu og skemmtilegustu vinkonur í heimi (væmni).

2005-05-11T11:20:00.000Z

Ég man ekki eftir því að ég sé utan við mig en síðustu daga hef ég t.d staðið fast á því að ég sé að fara í próf á fimtudaginn, það var ekki fyrren mér var sýnd próftaflan að ég viðkenndi að þetta væri rugl í mér. Ég var búin að boða mig í heimsókn á fimtudagskvöldið til að hitta au-perurnar og fagna því að leiðinlegasta prófið væri búið.

Í gær morgun var próf kl: 9 og ég var komin upp í skóla á síðustu stundu, kann ekki nógu vel á klukku, fann listan með prófstofunni minni, listinn er þannig að það stendur kannski Anna-Elín og svo stofunr. ég er yfirleitt í fyrsta hópnum. Þegar ég kom inn í stofuna kannaðist ég ekkert við fólkið og spurði hvort þetta væri ekki NKS, þá var þetta fjarnámið, svo ég þurfti að hlaupa í hinn enda skólans kíkja aftur á listan, fann stofuna og settist niður svo þegar ég átti að merkja við mig á mætingarlistan sá ég að ég var aftur í vitlausri stofu en sem betur fer þurfti ég bara að fara í næstu stofu. Eitt atriði í viðbót sem lætur mig halda að ég sé að missa vitið ég mundi ekki passwordið mitt hérna á blogger.
Þegar ég var að byrja blogga bjó ég til síðu sem ég komst aldrei aftur inn á því ég mundi ekki hvert passwordið var.

Stefán Bjartur er á Ísafirði og erum við farin að sakna hans mikið hérna, þegar ég var í prófinu í gær, þar sem mátti hafa bækur, duttu myndir af honum út úr henni sem ég mundi ekki eftir að hafa sett inn í hana. Hann sagði við afa sinn að það væri komið sumar og þá þyrfti hann ekki að fara sofa, einnig er hann búin að vera vinna í garðinum sem kemur sé vel fyrir því við foreldrar hans höfum ekki með græna fingur.

Boðkortin fyrir brúðkaupið eru flest farin í póst, komin tími til það er eftir fimm vikur, og ættu þeim sem er boðið að vera fá þau þessa dagana. Þetta er allt að smella saman nema það er ekki alveg komið á hreint með matinn, gæti verið að gestirnir þyrftu að koma með nesti en við látum ykkur þá bara vita, við reddum þá drykkjunum.

2005-04-19T21:51:00.000Z

Sá utan á DV í dag að heppnasta kona á Íslandi er fundinn!!! Það er stelpa í Keflavík sem á kærasta í útlöndum, Kiefer Sutherland, sem er örugglega 20 árum eldri en hún. Skrítið hvernig þeir hafa fundið þetta út?? Ég á til dæmis fínan kærasta sem er ekki jafn gamall og pabbi minn eða með buxurnar niðrum sig í Séð og heyrt. Hann er alltaf hjá mér og er búin að lofa giftast mér í sumar, með honum á ég alveg einstaklega sætan strák svo eigum við meira að segja íbúð og bíl....heppnust??? Kannski ekki með bílinn.

2005-04-17T13:22:00.000Z

Núna á ég að vera skirfa leiðindabækur fyrir skólann sem ég á að skila á morgun svo þetta er rétti tíminn til að blogga.

Anna au-pair átti afmæli á föstudaginn, sama dag og Vigdís Finnboga. Ég hitti Vigdísi þegar ég var 6 ára. Hún var í opinberi heimsókn á Vestfjörðum og kom við á Ísafirði. Við krakkarnir í bænum stóðum og veifuðum fánum þegar hún keyrði inn í bæinn, hún lét okkur bíða heilleingi eftir sér, ég man að ég var alveg að pissa á mig og stóð einhvernveigin alveg í keng. Um kvöldið var kaffisamsæti í mötuneyti menntaskólans og var ég alveg ólm í það að fara og hitta forsetan, mamma var ekki til í að koma með mér, svo ég ákvað að fara ein, klæddi mig í sparifötin og labbaði niðureftir. Þegar ég kom að menntaskólanum og ætlaði að fara labba inn voru tvær löggur sem stóðu heiðursvörð, ég varð skíthrædd, hljóp aftur heim, grenjaði í mömmu um að koma með mér, mamma var 26 ára þegar þetta var, hún gafst upp á endanum og við fórum saman (hvar var Elísa??). Þarna var bara fullorðið fólk og ég var eina barnið. Vigdís kom og talaði við mig, ég fékk mér köku og svo fórum við mamma aftur heim. Þegar pabbi kom heim aftur sat ég alveg í leiðslu á rúminu mínu og sagði honum frá því að ég hefði hitt forsetan. Ætli krakkar í dag viti hver forsetinn er??

Í dag eru tveir mánuðir í brúðkaupið. Við erum að reyna skipuleggja þetta allt saman og erum t.d búin að finna sal, panta kirkju o.s.f.v. Ég fer bráðum að föndra boðskortin sem á víst að senda út 8-10 vikum fyrir brúðakupið, en gerir fólk nokkuð hvort sem er á 17.júní??

2005-04-13T18:20:00.000Z

Ég er komin aftur frá Köben og var rosa gaman. Við vinkonurnar eyddu meiri tíma í búðum en á börum og vorum mest í H&M við Íris frænka vorum þar í 2 tíma held ég einn daginn, svo vorum við svo uppgefnar á kvöldin að við nenntum ekkert út, enda var drullukalt. Við gistum saman í íbúð þar sem var einn ofn í allri íbúðinni, nískupúkar þessir danir, tíma ekki að kynda. Þetta var rólegt allt saman nema síðasta daginn þegar allar búðirnar voru lokaðar settust við inn á bar um fimm leytið og vorum þar til miðnættis og drukkum bjór og skot. Á leiðinni heim vorum við orðnar svangar, þótt við værum búnar ar innbyrðra ágætis magn af fljótandi brauði, fórum við í 7-11 til að kaupa okkur pylsur. Það gekk vel þangað til tvær danskar fótboltabullur komu inn og voru með læti, konan sem var að afgreiða varð eitthvað pirruð og rak Sigrúnu og Hildi út og bannaði þeim að borða inni, Hildur var ekki alveg sátt við þetta svo þegar hún var komin út hennti hún pylsunni sinni inn í búðina. Stelpan sem var að vinna varð alveg brjáluð og rauk fram fyrir búðarborðið og út á eftir þeim og grýtti pylsunni í hausinn á Hildi. Hildur fór þá á eftir henni og hennti pylsunni aftur inn og konan gerði það sama aftur, greinilegt að viðskiptavinurinn hefur ekki rétt fyrir sér í Danmörku.

Daginn eftir fórum við heim, við hittum aftur hokkíliðið sem hafði setið fyrir aftan okkur á leiðinni út. Þetta voru unglingar með sítt að aftan, sólgleraugu og njálg!!! Við vorum ekkert himinlifandi yfir því að sjá þá og báðum vinsamlegast um að sitja ekki nálægt þeim, en konan sem tékkaði inn var örugglega vinkona pylsukonunnar því hún setti okkur inn í miðjan hópinn. Þeir höfðu svo ekki skipt um sokka síðan þeir komu til Danmörku svo maður leið liggur við út af vegna táfýlu.

Við vorum seinastar úr fríhöfninni því við vorum svo lengi að áveða hvað ætti að kaupa. Ég ákvað í stundarbrjálæði, sennilegast var ég í táfýluvímu, að kaupa i-pod mini og sé reyndar ekki eftir því hann er algjör snilld. Að fara í gegnum tollinn var samt ekki gaman því einum ferfættum tollverði fannst ein taskan mín mjög áhugaverð. Allt dótið mitt var tekið og skannað og fór ég svo á bak við gardínurnar þar sem hundurinn var orðin snaróður. Ég var alveg geðveikt stressuð og alveg eins og fáviti, glætan að ég fari að smygla einhverju ég svindla mér ekki einu sinni í strætó og þori heldur aldrei að vera með meira vín en má, konan fór að spyrja mig allskonar spurninga á meðan hún fór í gegnum töskuna hvað ég hefði verið að gera o.s.f.v. hvort ég hefði farið í Kristaníu, sem við gerðum, hvort ég hefði keypt eitthvað sem ég gerði, tösku sem hundurinn hafði engan áhuga á. Þegar hún tók upp úlpuna mína mundi ég að ég hefði verið í henni daginn sem ég fór þangað lét hana vita og þá var þetta eiginlega allt búið og ég fékk að fara. Mér leið eins og ég hefði verið vakandi í marga daga eftir þetta svo ég lagði mig þegar ég kom heim og var að vakna.......................

2005-03-08T17:59:00.000Z

Stórfréttir Stefán Bjartur er loksins farinn að segja JÁ

2005-03-03T18:00:00.000Z

Ég er á leiðinni til Köben í fyrramálið, er að fara til útlanda og það er skítkalt. Á ekki alltaf að vera heitara í þar?? Ég bara spyr?
Ég á eftir að gera hundrað hluti áður en ég fer og hvað er þá betra en að setjast niður og hanga á netinu?

2005-03-01T21:01:00.000Z

Áðan þegar ég var að fara setja Stefán í bað hringdi síminn.

Ég: Halló!
Karl: Bryndís?
É: Já
K: Já halló Bryndís.. Hvað segirðu?
É: Ég segi bara fínt?
K: Gott.. ég hringi frá stöð 2, við erum með rosa gott tilboð fyrir nýja áskrifendur...
É: ummm
K: Þrjár stöðvar á verði einnar, stöð 2, stöð 2 bió og ble,ble,ble
þetta allt á 4200 á mánuði, bara stöð 2 kostar 4700
É: Nei, ég hef ekki áhuga
K: Já, kannski ég reyni að þá að krydda þetta aðeins allt þetta + 32 erlendar
stöðvar til 5.apríl. Þú setur þetta bara á kortið í 12 mánuði.....?
É: Nei takk hef ekki áhuga...
K: Allt í lagi bless

Þetta er óþolandi ef mig langar til að kaupa
....Stöð 2
....Moggan
....Dv
....Andrés blöð eða Disney bækur
....einhver tímarit
....skipta um intenet þjónustu
....styrkja félagasamtök með því að kaupa leiðinlega geisladiska
....ganga í bókaklúbb
....skipta um trygginafélag
Þá hringi ég í ykkur, ég er fullfær um að taka þessar ákvarðanir sjálf, látið mig í friði og Hr.Gallup þú skalt ekkert hringja heldur.

2005-02-24T20:25:00.000Z

Fékk mjög skrýtið símtal í fyrra dag

Ég: Halló
Kona: Já halló Stefán?
É: ......Stefán Bjartur?
K: Já
É: Viltu fá að tala við hann?
K: Já er hann við?
É: Já en hann er tveggja og hálfsárs...... viltu tala við hann????
K: Ó ég er að hringja frá tannlæknastofunni til að minna á tíman hans á morgun
É: Takk fyrir
K: Bless
É: Bless...

Stefán fór sem sagt til tannlæknis í gær og stóð sig með prýði, engar holur.
Er að fara á árshátíð í skólanum á morgun og á bara eftir að sauma eitt pils fyrir bekkjarsystur mína, hana Ellu Gellu.

2005-02-16T17:35:00.000Z

Síðasta helgi var erilsöm hálfgerð mega-helgi. Byrjaði á því að horfa á Idol, skildi svo Stefán eftir í Eskihlíðinni og fór á tónleika með Reykjavík, Dáðadrengjum og krútt hljómsveit. Tónleikarnir voru í Stúdentakjallaranum og síðast þegar ég kom þangað sá ég örugglega tvöfallt því núna þegar í kom inn leið mér eins og í skókassa. Staðurinn hafði svo aðeins stækkað aftur þegar ég fór heim. Eftir að ég sótti Stefán úr pössun á laugardaginn ákvað ég að fara með hann í bió til að slá á samviskubitið því planið var að hann myndi gista aftur hjá frænku sinni næstu nótt því foreldrarnir voru á leið á þorrablót. Við Stefán fórum á Frílinn, skildi ekki afhverju myndin hét ekki bara fíllinn. Hann var voða stilltur (Stefán) og hélt athygli alla myndina, eftir hana var ég ennþá með samviskubit og gaf honum ís og litabók líka. Þorrablótið var algjör snilld, en kröfur voru um snyrtilegan klæðnað, þorramat og svo áttu allir að koma með skemmtiatriði. Verðlaun voru svo veitt fyrir bestu atriðin. Ég náði ekki að verja þriðja sætið frá því árið áður, mætti með leik sem ég bara nenni ekki að lýsa hér, enda fannst greinilega engum neitt til hans koma. Á síðunni hjá henni Kiddý eru myndir þrem efstu sætunum, það þarf bara aðeins að fara niður á síðuna. Sunnudagurinn fór svo bara í þynnku og ekkert meira um það að segja.

Reykjavík auglýsir sumarstörf fyrir ungt fólk, finnst mér eitthvað krípí við þessa mynd af blómapottinum.

2005-02-09T20:47:00.000Z

Í dag er öskudagur og fór ég í Kringluna reyndar ekki í búning, held ég að hann eigi frekar að heita öskurdagur. Börn hlupu um öskrandi í sykurvímu og einnig var hægt að sjá þau klifrandi upp á leiktækjum. Verslunarfólk er örugglega fegið að þessi dagur er bara einu sinni á ári og þeir passa sig alltaf á því að nammið sé búið rétt um hádegi skrítið að þeir panti ekki meira en árið áður?

Ég er ekki ánægð með að Kristall+ verði bannaður hann er alveg ótrúlega góður þessi með rauða tappanum held ég sé háð. Þannig ef þið sjáið mig einhversstaðar að overdósa á fólinsýru eftir að hafa fengið mér morgunkorn og Kristal+ vinsamlegast hjálpið mér á næstu neyðarmóttöku.

2005-02-08T10:53:00.000Z

Það er gaman að vita að einhver kemur við hérna á síðunni. Henni Línu vantar greinilega eitthvað til að lesa enda geta sumir fyrirlestrar verið ansi leiðinlegir. Ég er einmitt stödd á einum slíkum núna. Ég er búin að reyna að fylgjast með en er ekki alveg að meika það, sit tilbúin með glærurnar og reyni að glósa. Fyrirlesarinn er frekar eintóna talar lágt og lækkar röddina við og við og þá er eins og hann sé drukkin.

Á morgun er öskudagurinn og þá klæða börnin sig upp og öska eða hvað gera þau? Ég man í fyrra að þá var Femínistafélagið að kvarta yfir bæklingunum sem koma frá leikfangaverslunum að stelpur væru alltaf klæddar upp sem prinsessur en strákar sem ofurhetjur hver myndi setja strákinn sinn í auglýsingu klæddan upp sem prinsessa??? Ekki ég skildi ekki alveg hvers vegna þurfti endilega að henda öllum þessum dagbókum með brandarana eru þær ekkert að hugsa um trén og ósonlagið??

Að lokum vil ég benda hundaeigendum að fara út með hundana að skíta það er komin snjór!!!

2005-01-27T17:20:00.000Z

Ég ætla að fylgjast spennt með Stundinni okkar í dag en innhaldþáttarins svipar til spennuþáttar þar sem athæfi sem ekki eru ætluð börnum eru á dagskrá. Ég las á forsíðu DV í gær að dóp, morð og nauðganir væru í Stundinni. Ég horfði á síðasta þátt með Stefáni og var óvenju mikið af söngatriðum í sem komu öll frá einhverjum söngskóla úti í bæ. Ég var einmitt svolítið hissa á textunum sem krakkarnir voru að syngja en fyrst birtist lítill rappari sem söng um gæru með jarðaber á eða í rassinum næst birtist stelpa sem var örugglega ekki eldri en 10-11 og bað guð um megrunarkúr til að verða ekki dansari í yfirvigt. Mig grunar að þetta séu texar úr söngleiknum Fame en er við hæfi að krakkar séu syngja eitthvað svona bull bara af því að þetta er úr vinsælum söngleik? Eða hvað með þegar ég sá poppara sem var orðaður við kókaíneyslu syngja að honum vantaði spýtur og sög eða voru það spítt og slög..............

2005-01-26T13:08:00.000Z

Rosalega verður allt skítugt og sóðalegt úti þegar snjórinn fer. Labbaði úti litlu hverfisbúðina hérna í hlíðunum og draslið sem ég sá á leiðinni t.d snuð, hárbursta, sokk, fluglelda og svo er allt úti í sandi og hundaskít. Halda hundaeigendur að skíturinn bráðni með snjónum? Þegar ég kom svo út úr búðinni var risastór sheffer hundur fyrir utan held að hann hafi ekki komið undan snjónum en hann gellti eins og hann ætti lífið að leysa og stóð upp og horfði á mig eins og hann væri að segja ,,ég ætla að bíta þig". Ég þoli ekki hunda vegna þess að ég er hrædd við þá. Einu sinni þegar ég var lítil og var hjá vinkonu minni kom kona í heimsókn með sheffer sem var lögguhundur minnir mig, ég var svo hrædd að ég fór og faldi mig bakvið sófa. Svona getur maður verið mikil skræfa.......

2005-01-24T13:26:00.000Z

Bóndadagurinn var síðasta föstudag og voru hugmyndir mínar til að gleðja minn bónda gerðar að engu með lélegu vöruúrvali í Skífunni og starfsfólkið þar hefur ekki svör við öllu. Þannig að hann fékk bara kort og súkkulaði stykki en ég mundi svo eftir því seinnipartin að bjór fyrir blóm hefur oftast virkað hingað til. Rás 2 stendur fyrir varli á kynþokkafyllsta karlmanninum þennan dag og virðist sú kosning vera farin að snúast upp í einhvert vinnustaða grín og engin kannst við þessi nöfn verðbréfasali, frostpinni og símamaður voru t.d á listanum í ár. Sigurvegari síðasta árs Jón Ólafsson náði ekki inn á topp 10 kannski það sé vegna þess að hann skildi en menn hafa átt erfitt uppdráttar ef þeir hafa skilið og svo sést í séð og heyrt undir fyrirsögninni komin með nýja. Logi Bergmann sem var fastagestur á þessum lista hefur ekki átt séns síðan hann skildi og fékk sér nýja. Ég gleymdi að senda inn mitt atkvæði en ég ætlaði að gefa stráknum bókabúða auglýsingunum mitt atkvæði ég kikna alveg í hnjáliðunum þegar hann segir frá DaVinci lyklinum og tala nú ekki um auglýsinguna með gatarann, hann mætti sko alveg gata mig...........

2005-01-20T13:42:00.000Z

Ááááááááá.........Fór í ræktina á þriðjudaginn og er með svo mikilar harðsperrur að ég get varla hreyft mig. Ástæðan fyrir því að ég ákvað að drífa mig af stað er sú að á mánudagskvöldið tapaði ég heilum mánuði. Eins og sumir vita þá er fyrirhugað brúðkaup 17. júní í sumar og var ég alveg viss um að ég hefði sex mánuði þangað til að brúðkaupinu. Ég var eitthvað að ræða þetta við Kristján að það væru sex mánuðir í brúðkaupið, sagði hann mér að þeir væru bara fimm ég var nú ekki alveg að kaupa það og byrjaði að telja og svo úps bara fimm. Það er kannski tími til kominn að fara undirbúa brúðkaupið og mig svo ég líti ekki út eins og ísjaki á leiðinni upp að altarinu.

Ég er aftur komin í íþóttabuxurnar því veikindi hafa gert vart við sig hér á heimilinu einu sinni enn enn enn. Stefán er orðin veikur með hita og skelfilegan hósta og svo er hann búin að smita mig líka og fékk ég smá hita og kvef er að vona að hitinn komi ekki aftur og ég komist í skólann á morgun.

2005-01-06T14:53:00.000Z

Gleðilegt ár jólin eru víst búin svo það er tilgangslaust að óska gleðilegra jóla. Vonandi á árið eftir að batna það byrjar nú ekki of vel Stefán hefur verið með hita og endalaust kyngt niður snjó og ég hef ekki farið út úr húsi meirihlutan af árinu. Ég ætla vona að ég passi ennþá í gallabuxurnar mínar þegar ég ákveð að fara úr úr húsi og úr íþróttabuxunum. En við Stefán erum á leiðinni aftur suður á morgun, þá ætlar Elísa systir líka að fara heim til sín ætli hún fari fljúgandi. Það eina sem ég geri á daginn er að horfa á Friends og kíkja í tölvuna hvort þessir lötu kennarar í Khí séu búnir að fara yfir prófin. Þeir hafa frest til 10.jan það er allt of langur tími það er meira en mánuður hjá sumum, algjörlega fáránlegt ég var í sex fögum og bara búin að fá útúr þrem og bíð nú með hjartað í buxunum og þar hefur það verið síðan milli jóla og nýárs.

2004-12-02T21:45:00.000Z

Þetta er nú meira aumingja bloggið ekkert að gerast hér á meðan allt er á fullu allstaðar. Jólaskraut fýkur út úr búðum og jólinn nálgast hratt. Ég fór í Ikea um daginn og ætlaði að kíkja á jólaskraut en það var bara allt búið og kemur ekki aftur fyrir jól þetta var í nóvember erum við geðveik. Síðasti skóladagurinn á morgun og svo koma prófin ég fékk reyndar til baka tvö verkefni í vikunni og enn og aftur voru það frumtölur á ferðinni sömu og síðast. Reyndar var alveg ótrúlegt að við skildum hafa fengið eitthvað fyrir stærðfræðiritgerðina þar sem í umsögninni stóð að verkefnið væri ,,stærðfræðilega fremur illa heppnað".

Fórum í sumabústað á síðustu helgi svona til að hitta hvort annað áður en jólaprófa- og bókaflóð hellast yfir okkur. Tókum Popppunktsspilið með og spiluðum aðeins, þetta var alveg frábært spil og ég gat svarað fullt af spurningum reyndar fór Kriss einn og hálfan hring á meðan ég drattaðist einn. Alveg frábært spil, vonandi næ ég einhverntíman að vinna Kriss. Í bústaðnum sá ég líka Gísla Martein og omægad hvað er þetta með Á móti sól hvað er að þeim þetta er nú ekki það góð hljómsveit að þeir ættu að vera gefa út plötu með áðurútgefnum lögum sem þarf ekkert að bæta (fyrir utan Sólstrandagæjana það er leiðinlegt sama með hverjum það er) það skín ennþá meira í gegn hversu hrútlélegir þeir eru og aumingja Gerður G. ætli hún hafi ekki fengið taugaáfall yfir þessari vitleysu og dottið í'ða alla vega þurfti ég þess.

Ég fór í dag á kalkúnaveiðar í dag og gekk ekkert allt of vel alveg ótrúlegt að t.d í Hagkaup er hægt að fá dúfur, akurhænur og fasana en ekki kalkún dáldið skrítið..............

Ætli ég sé eitthvað veik

2004-11-20T23:34:00.000Z

Mikið heilsuleysi hefur verið hér á heimilnu en eru nú allir að jafna sig. Ég er komin á pensilín vegna sýkingar í kinnbeinunum. Ég fékk pensilínið þegar ég fór uppá slysó í gær því ég hélt að taka þyrfti af mér fótinn. Vaknaði í gærmorgun með marblett á fætinum og ógeðslega æð sem stóð út fyrir ofan blettinn og eftir að hafa talað við mömmu og grenjað af hræðlsu fyrir framan bekkjarsystur mínar ákvað Elín að fara með mig upp á slysó. Í ljós kom að æð hefði sennilegast sprungið og eitthvað minniháttar vesen var þarna á ferð bera bara eitthvað bólgueyðandi á en fylgjast samt vel með því svona geta einkenni fyrir blóðtappa víst byrjað. Þetta hefur nú ekkert versnað svo vonandi gengur þetta allt til baka. En hún Elín bekkjarsystir á miklar þakkir skilið fyrir að hafa farið með mig og beðið eftir mér takk fyrir Lína fína.

2004-11-04T22:22:00.000Z

Lagaði ritgerðina og fór með hana aftur til Baldurs, við fórum í viðtöl þrjú í einu. Þetta gekk nú bara nokkuð vel útkoman var í hærra lagi. Ef lagðar eru saman tvær frumtölur fæst útkoman. Stærri talan er hærri en 5 og lægri en 11, minni talan er fyrsta frumtalan. Ég er líka búin að fá stærðfræðiprófið og eru þar sömu tölur á ferðinni nema núna er , á milli og stærri talan auðvitað fyrst.....guð hvað þetta er leiðinlegt málið er að ég er föst í stærðfræðilegu bulli eftir að skrifa stærðfræði ritgerð. Algjört rugl og tilgangslaust að skrifa ritgerð um efni sem er svo ekki einu sinni til prófs og gildir bara 10%. Bilaðir þessir stækennarar halda að allir dýrki stærðfræði og finnsit hún ,,falleg" NÖRDAR.

Fyrsta bekkjapartýið var haldið á síðasta föstudagskvöld og var ótrúleg mæting sirka 95%. 100% stuð og ótrúlegur hávaði (sumir voru háværari en aðrir). Singstar var dreginn fram og var bara um 5 lög að velja og ég verð ekkert leið ef ég heyri like a virgin aldrei aldrei aftur. Síðan var farið í bæinn og litið var inn á Pravda fyrst og verð ég ekkert leið ef ég fer aldrei aldrei aftur þangað. Ákveðið var að fara eitthvað annað og varð 22 fyrir valinu og var ég komin seint heim kl: leggið saman fyrstu tvær frumtölurnar.

Það næsta á dagskrá virðast vera veikindi frábært það er einmitt frí í skólanum á morgun og ég ætlaði að gera ritgerð.....nenni þessu ekki. Hitinn er orðin hár hann er ekki frumtala.

2004-10-26T09:47:00.000Z

Ritgerðin er komin til baka og hún var ekki rauð því hann Baldur notaði blýant. Ég slapp nokkuð vel frá þessu enda fékk ég góða hjálp. Hef heyrt af allskonar kommentum sem kennarirnir sendu frá sér eins og t.d þessi ritgerð á heima í grunnskóla, óskapnaður, er ekki allt í lagi heima hjá þér og endilega láttu mig vita ef þú átt við einhverja málörðuleika að stríða þetta kallast víst uppbyggileg gagnrýni. Ritgerðinni á ég svo að skila aftur á föstudaginn og fæ sennilegast einkunn þá.

Au-perurnar komu í heimsókn síðasta föstudag og horfðum við á Idol þegar við vorum búnar að stilla afruglaran inn á sjónvarpið. Vorum með tvo karlmenn í sitthvorum símanum annar með leiðbeiningar um sjónvarpið og hinn um afruglaran erum greinilega ekki eins tæ kniv æddar og við héldum.

Á laugardaginn var mér boðið í partý til konu sem ég hef unnið fyrir það var voða næs rólegt til að byrja með en svo varð svaka stuð og við enduðum í bænum á Rex af öllum stöðum. Ég fór í röð til að komast inn á Rex!!!!!!! var nú samt ekki viss hvar hún væri því hrúga af stelpum var fyrir framan dyrnar að rífast í dyraverðinum um að þær ættu að komast inn. En það er greinilega satt að fegurðin kemur innan frá því þarna er víst allt ,,fallega'' fólkið að skemmta sér og subbu skapurinn á klósettinu ótúlegur bréfa rusl út um allt og svo var setan dottin af einu klósttinu ég hélt ég væri komin á klósettið á Kaffi Austutstræti nema þetta var allt hannað. Held ég nenni þessu ekki aftur.

Ég gleymdi að minnast á það síðast að hún Jóhanna systir mín kom hingað í verkfallinu í heimilisfræði kennslu og útskifaðist með 10 takk fyrir hjálpina Vóvanna.

2004-10-19T18:33:00.000Z

Það er hundleiðinlegt veður og skítkalt, ég fór á tónleika á föstudaginn og þá held ég að það sé komin tími fyrir smá blogg. 'Ég hef ekkert að segja um þetta rok nema að það er vinsamlegast beðið um að drífa sig eitthvað annað. Ísfirska nýbylgjan var alveg frábær og einstaklega vel að henni staðið verð ég nú bara að segja.

Hef ekki ennþá fengið ritgerðina til baka ennþá, Baldur situr með rauða pennan krotandi út um allt en það er víst á stefnuskránni að skila henni í næstu viku. Í morgun fór ég í stærðfræðipróf, það eru næstum tíu á síðan ég gerði það síðast. Sat sveitt og reiknaði út fibonacci,ssd og msf eða var það mfs svo má náttúrulega ekki gleyma gullnasniðinu??? Til hvers. Eftir stærðfræðiprófið hljóp ég í aðra stofu og var þar með málstofu ásamt þrem öðrum bekkjarsystrum mínum. Við fjölluðum um skólann og markaðslögmálin, mætum allar í skólabúningum með auglýsingum og bjuggum til skólabækur styrktar af hinum ýmsu fyrirtækjum ákváðum að taka öfgarnanr þótt við værum allar á móti því að frjálshyggjan flæði inn í skólakerfið. Fengum ágætis viðbrögð frá bekknum nema við komum víst aðeins við strákinn í bekknum sem reyndist vera frjálshyggju maður og honum fannst við afturhaldssamar.

Innbrotsþjófar eru víst farnir að stela matvælum þarf fólk nú að vera var um sig þegar það kemur úr Bónus með alla pokana að engin sé að fylgjast með því og þjófurinn noti tækifærið og steli ostinum úr ísskápnum þegar maður stekkur út.

2004-10-04T20:09:00.000Z

Það er ömurlegt veður úti og ég er föst á Ísafirði, það er ekkert leiðinlegt við Ísafjörð en ég hafði bara hugsað mér að gera eitthvað annað en að bíða eftir að vindinn lægi. Labba um húsið hjá mömmu og pabba og kíki hvað er til í íssápnum og kexskápnum og rek svo nefið út í glugga til að tékka á veðrinu.

Ástæðan fyrir ferð minni hingað vestur var að skoða littlu dúlluna hjá Elísu og Palla og svo að fara á tónleika með Homebrakers. Stelpan er náttúrulega algjört krútt og tónleikarnir voru vel heppnaðir.

Í dag skilaði ég ritgerð sem hefur verið að gera mig brjálaða síðustu sex vikur. Það er ekki eins og þetta hafi verið einhver risa smíð heldur var hún aðeins rúmlega tvær síður. Það er bara búið að taka okkur gersamlega á taugum yfir þessu, beita sjokk treatment og ég veit ekki hversu góð kennsluaðferð það er því ég hef ekki hugsað um neitt annað en þessa ritgerð og önnur fög orðið útundan. Maður fær samt hálgert spennufall og ég er voða fegin að þetta er búið og nú get ég farið að kvíða fyrir því að fá ritgerðina aftur í hausinn útkrotaða. Æ ég held ég fari bara og kíki í frystinn núna og fái mér ís

2004-09-30T20:44:00.000Z

Ég bíð spennt eftir því að hægt verði að borga í verslunum með fingrinum t.d vísi. Hægt væri að græða smá flögu undir húðina, debetkortið í hægri fingurinn og vísa(vísafingur) í þeim vinstri. Málið er nefnilega það að ég er alltaf að gleyma veskinu, búin að setja allt í körfuna og komin á kassan svo er ekkert veski í vasanum. Ef ég er heppin hef ég gleymt því út í bíl en annars þarf að sækja það heim og það er nú ekki alltaf auðvelt vegna allra gatnaframkvæmdana sem snúa manni í endalausa hringi . Mikið getur allt verið pirrandi.......

Hefur þú séð punginn á þér ???

2004-09-22T23:08:00.000Z

Í dag er bíllausidagurinn og hvað geri ég, keyri á. Alveg frábært ég er búin að vera hugsa í allan dag á meðan ég hef verið að keyra hvort maður ætti nokkuð að vera að standa í því að eiga bíl. Þeir eru dýrir eiga það til að bila, ég er samt ótrúlega heppin þekki besta bifvélavirkjann og svo getur maður átt það á hættu að keyra á jafnvel á bíllausadaginn.

2004-09-20T21:25:00.000Z

Í dag eingnaðist ég frænku og ákvað að senda Elísu systir og Palla hamingjuóskir. En þetta gengur eitthvað erfiðlega hjá mér er komin úr allri æfingu og búið að breyta öllu umhverfinu. En vonandi verður ekki svona langt í næsta blogg.

2004-09-20T21:12:00.000Z

Ég ákvað að blogga í dag til að óska Elísu systir og Palla til hamingju með prinsessu Pálsdótturhttp://www.geocities.com/elisastef sem fæddist í nótt. Hún var 52 cm og 3590gr og svakasæt.

2004-07-21T13:23:00.000Z

Þá er tveggja vikna sæla heim hjá mömmu að vera búin fer heim á morgun en stoppa bara í einn dag og er svo farin í sumarbústað og í afmæli hjá honum Jóni smala uppi í Borgarfirði.
Það er nú samt varla að maður þori heim hef verið að lesa það í blöðunum að í Barmahlíðinni búi stórhættulegkona sem gengur undir nafninu ,,Hnífakonan". Hún býr næstum við hliðinna á okkur og virðist gera lítið annað að eigin sögn en borða morfín töflur og stunda glæpi, jú og fela hnífa út um alla íbúð ef hún þarf að stinga einhvern. Hvurslags hverfi er þetta dópistar og rottur á hverju strái. Reyndar var Hnífakonan að tala um að flýja út á land vonandi tekur hún rotturnar með og flýr kannski til....... ja Akureyrar eða í Bolungarvík

2004-07-15T14:31:00.000Z

Er komin vestur og búin að vera í viku, hér er svo gott að vera svo ákáðum að framlengja dvölinni um sirka viku. Við erum búin að fara í fjallgöngu löbbuðum að Fossavatni,golf og svo þetta venjulega hérna borða góðan mat (sem við þurfum ekki að elda sjálf) fara í bakaríið, drekka vatn og þvo sér um hárið.'A föstdaginn fór ég á tónleika með hljómsveitinni Reykjavík sem voru mjög skemmtilegir og lífleg sviðsframkoma fékk meira að segja fljúgandi skó í mig en varð ekki meint af. Á laugardeginum var svo haldið garðpartý hér í kjarrinu sem skipulagt var af Jóhönnu systir. Dagskáin var stíf og hélt Jóhanna vel utan um hana og passaði uppá að allar tímasetningar stæðust. Keppt var í fimmþraut: sparkgolfi,vítaspyrnukeppni,spurningakeppni(sem að einhverjum ástæðum snérist að mestuleiti um stjörnufræði),golfi og pílukasti. 'Eg fékk verðlaun í golfinu eftir bráðabana við pabba.

Helga Au-pair átti afmæli í gær og fær hún bestu afmælis kveðjur frá þessari síðu.

2004-07-06T13:29:00.000Z

Ég hélt að skeggjaða konan væri bara sirkus grín en ég svo sá ég eina í Debenhams um helgina. Hún var með hökutopp svona eins og geit, engir broddar heldur löng grá hár hún sló mig alveg út af laginu og ég verslaði ekki neitt og hún var allstaðar þar sem ég var. Það á að banna ljótu fólki aðgang að verslunum það dregur úr kauplöngunn okkar hinna.

Skilnaðar faraldur hjá fræga fólkinu, allir að skilja...Séð og Heyrt gerir lífið skemmtilegra. Gaman ha.....

2004-07-01T09:39:00.000Z

Ég fékk himnasendingu frá Ísafirði í gær en þá kom minnsta systir mín hún Jóhanna til að passa. Hún var ekki fyrr lent en hún var búin að fara í göngutúr og svæfa Stefán. Á meðan hann var sofandi tók hún til hendinni og ryksugaði íbúðina og þurkaði af í stofunni. Ekki nóg með allt þetta heldur hafði hún komið við í Gamla bakaríinu svo ég fékk kringlur og snúð í morgunmat og nartaði svo í kókoslengjur fram eftir degi.

Í síðustu viku sat ég til skiptis við bréfalúguna og á klósettinu af stressi, ég sendi inn umsókn í kennó eins og margir aðrir og beið eftir svari. Ég komst inn og bið þá sem ég laug að ég hefði ekki sótt um afsökunnar.

2004-06-10T14:05:00.000Z

Ég er komin í ,,sumarfrí" og veðrið gæti ekki verið betra það er öskrandi blíða. Ég byrjaði sumarfríið á að skella mér í Baðhúsið, aðeins að hamast til að geta borðað meira í sumar. Ég búin að fara í langarm göngutúr (borða meira) og svo erum við Stefán á leið í sund svo ég verði brún en ekki eins og undanrenna á litin. Stefán verður hinsvegar baðaður upp úr sólarvörn. Í kvöld ætla ég svo að hitta Au-perurnar mínar á kaffihúsi aldrei þessu vant verður sullað í kaffi í staðin fyrir bjór.

Þegar ég var í Baðhúsinu í morgun voru tvær konur (þær voru feitari en ég) að tala um að það væri búið að stela öllum nýju hárblásurunum nema einum. Hvað er að ? Þarna er meðalaldurinn örugglega um þrítugt og er fólk á miðjum aldri að leggja það á sig að stela einum hárblásara sem er hægt að kaupa úti í búð fyrir 3000kall. Mamma og pabbi hætta að lesa núna. Ég man eftir því að hafa farið í gegnum hnupltímabil þegar ég var í gaggó og stolið einhveju ómerkilegu drasli t.d. eldrauðum varalit og alveg ótrúlega dökku meiki sem ég notaði samt og fannst ég vera voða pæja. Eru kannski konur á breytingaskeiðinu veikar fyrir hlutum sem liggja á glámbekk ? Ég er allavega alveg yfir mig hneyksluð.

Á morgun er ég að fara í óvissuferð með skólanum, ekki börnunum heldur fullorðnafólkinu. Vinkona mín sem vinnur á veitingastað sagðist vera búin að fá nóg að fullu skólastafsfólki í óvissuferðum, það væri allir alltaf svo fullir og engin nennti að borða neitt og í hverjum einasta hóp væri ælandi fólk út um allt. Vonandi verum við okkur til sóma hvert sem við förum og ef ég hitti vikonu mína lofa ég að reyna hafa stjórn á hópnum.

2004-05-30T14:46:00.000Z

Ég var í gaggó þegar ég byrjaði að hlusta á Pixies, við Hrabba fengum lánaðan disk hjá kærasta systur hennar og tókum upp á spólur. Svo hlustuðum ég, Sigrún,Jana og Hildur á Pixes í kjallaranum hjá Jönu þegar við vorum í menntaskólanum og yfirleitt alltaf þegar við hittumst fleiri en tvær og ætlum að hafa það skemmtilegt. Ég varð því spennt yfir því að hljómsveitin væri á leiðinni og keypti mér miða á tónleikana ,,fyrri tónleikana". Á miðvikudaginn í síðustu viku rann svo tónleikadagurinn upp (ég er bara svo léleg að blogga að þetta er fyrst að koma núna) og ekki fann ég fyrir því að ég væri á leiðinni á tónleika að sjá hlómsveit sem ég hefði haldið upp á í mörg ár og bjóst aldrei við að sjá á tónleikum. En áður en ég vissi af var ég mætt í Kaplakrika og inn í heitan salinn þar sem Ghostdigital spilaði og þvílík skelfing Einar Örn í flogakasti spyrjandi um penignana sína, var verið að gera grín að okkur. Skildi ekki afhverju Hljómsveit dr.Gunna hitaði ekki upp en fattaði það síðan þegar Pixies mætti á svið. Frank Black og Gunni er ansi líkir og þá sérstaklega svona í fjarlægð eru þeir næstum alveg eins. En já Pixixes byrjaði að spila og mikið eiga þau af góðum lögum en það var samt eitthvað sem var að trufla mig, kannski parið sem slefið slitnaði ekki á milli eða kellingin sem var með tyggjó í hnakkanum á mér. Hljómsveitin náði ekki að hreyfa við mér. Ég reyndi að koma mér í eitthvað stuð en það gekk ekki. Ég hugsaði um það að mér finndist væri meira gaman að hlusta á Pixies með vinkonum mínum en að horfa á þau upp á sviði og kannski hefði ég haft meira gaman af því að kaupa mér skó fyrir peninginn.

2004-05-21T14:02:00.000Z

Í dag er föstudagur og ég sagðist ætla blogga á föstudaginn....... fyrir löngu síðan. Svona er þetta nú bara maður getur ekkert verið að bulla í tölvunni þegar heilmikið annað er að gera. Svo sit ég bara hérna freðin og veit ekkert hvað ég á að segja.

Mikið var ég fegin þegar hljómsveitin Atómstöðin féll úr keppni í Popppunkti síðasta laugardag og að þurfa ekki horfa á þennan leiðinda gaur sem var í miðjunni rétta hendina upp í loftið og segja jeeeeeeeee annað kvöld. Þetta er nú samt held ég skelfilegasta hljómsveit landsins þeir áttu íslensku plötu vikunar á Rás 2 um daginn og guð minn góður. Ég held að daskrárgerðarfólkið hafi verið nokkuð sammála mér því lögin voru yfirleitt aldrei alveg spiluð heldur svona rétt fyrir fréttir og auglýsingar svo það þyrfti ekki að spila heilt lag. Ég hugsaði með mér hvað ég vorkenndi kærustunum þeirra Aumingja þær að þurfa að hlusta á þetta drasl finnast það skemmtilegt og mæta á tónleika. Þeir eiga nú samt örugglega engar kærustur voru frekar lúðalegir tímdu ekki að kaupa sér Henson galla heldur var einn í buxunum og hinn í peysunni glataðra getur það ekki verið.

Er fallin á tíma og verð að drífa mig að sækja Stefán.

2004-04-28T15:37:00.000Z

Það er ekki búið að handtaka mig fyrir búðarþjófnað heldur er ég bara löt og hef ekki nennt að blogga. Ég á að vera sauma núna og þá fer ég auðvitað að blogga og hanga á netinu, verð svo brjáluð í kvöld yfir því að hafa ekki gert neitt í dag. Ég fór og hitti au-perurnar á síðasta föstudagskvöld við hittumst hjá Ingveldi. Það gerðist ekkert svipað og síðast þegar ég kom heim með marbletti og risastóran trefil. Við horfðum aðeins á fröken Reykjavík og létum nokkur orð falla um tilgangsleysi svona keppna og hvað þær litu allar eins út og svo var það bara sú sem var ekki dóttir heldur hét Slender eða eitthvað svoleiðis sem vann. Við Ingveldur fórum svo í bæinn og enduðum á 22 af því okkur langaði að dansa en það var nú ekki mikið af fólki þar en við þurftum akkert eitthvað annað fólk til að skemmta okkur. Vaknaði svo á laugardaginn með smá hausverk sem var svona fram eftir degi en svo horfði ég bara á Stubbana og þá var hann farinn.

EKKI KAUPA VILKO VÖFFLUR !!!!!!!! Á sunnudaginn ætluðum við að baka vöfflur og eins og allt nútíma fólk höfum við ekki tíma til að vera hræra deigið sjálf svo við vorum með pakka frá Vilko. Þvílík skelfing þetta festist allt við járnið við erum reyndar svo vel búin í eldhúsinu og eigum tvö járn svo við prófuðum hitt það er með teflonhúð en það festist allt aftur. Það var hræðilegt að þrífa þetta af og ég var að klikkast var líka orðin svolítið svöng (þá verð ég ofboðslega pirruð) eins gott það voru engir gestir því ég hefði örugglega lamið þá með jáninu í hausinn og vonadi hitti ég aldrei neinn sem vinnur hjá Vilkó. EKKI KAUPA VILKÓ VÖFFLUR !!!!!!!!!!!!!!

Best ég láti ykkur bara vita að ég blogga sennilegast ekkert meira fyrren á föstudag.

2004-04-23T14:03:00.000Z

Ég er held ég sé að reyna fella Baugsveldið. 'Eg er farin að stela einum og einum hlut óvart þegar ég er að versla. Þetta er reyndar eins og ég sagði áðan óvart og gleymi ég að taka eitthvað upp úr körfunni ég hef til dæmis ekki borgað fyrir eina mjólk,ger og rauðlauk þetta fatta ég kannski þegar ég er að raða í pokann og er búin að borga og skammast mín svo mikið að ég get ekki sagt neitt. Ég verð að fara passa mig svo ég verði ekki tekin og löggan sæki mig því ég stal einni rauðri papriku. Kannski eru þeir farnir að fylgjast með mér ég er Konan í rauðu úlpunni eins og mamma sagði mér frá sem stundaði búðarhnupl fyrir vestan.

Ég var spurð að því hvað væri að frétta af orkideunni. Hún er dauð nánartiltekið steindauð og verða ekki fluttar fleiri fréttir af henni hér, á reyndar eftir að fara með hana út í tunnu held það verði bara það fyrsta sem ég geri þegar ég kem heim í dag. Drekapálminn sem ég keypti um daginn hefur það annars voða fínnt. Hann er þægilegur þarf bara vökva hann eftir minni, held það sé meira svona planta sem henntar mér.

Ég trúi því ekki að það sé komin rigning ég sem er að fara út í kvöld og ætlaði að vera í fína gallajakkanum sem ég keypti á síðustu helgi var ekki að koma sumar ?? Ég var búin að gleyma hvernig þetta er hér á sumrin. Við au-perurnar erum að fara hittast í kvöld til að fara á peruna það verður gaman eins og alltaf og er ég bara orðin svolítið spennt vona bara það stytti upp sem fyrst.

2004-04-22T23:57:00.000Z

Elísa systir á afmæli í dag. Til hamingju með daginn Elísa vonandi er klukkan ekki orðin tólf.

2004-04-20T20:58:00.000Z

Stefán er búinn að skipta yfir á sumartíman og er núna tveimur tímum á undan foreldrum sínum. Hann fer nú samt ekkert fyrr að sofa heldur er hann að vakna löngu áður en við höfum nokkurn áhuga á að opna augun hvað þá t.d að rjúka á lappir og leika með bíla kl 6:30 á laugardagsmorgni. Þetta gerðist einmitt síðasta laugardagsmorgun.Var ég mætt upp í Ikea og búin að kaupa mykratjöld fyrir gluggan korter yfir tíu. Við festum þau svo upp á sunnudaginn og vonandi mætir engin með hallamálið til að tékka á þeim. Það er svo líka kominn tími til að ég setji almennilegar gardínur í staðin fyrir efnið sem ég fékk í vinnunni fyrir tveim árum.

2004-04-17T13:03:00.000Z

Ummmmmm rosalega bý ég til góða pizzu.....

2004-04-16T14:02:00.000Z

Jæja þá er ég loksins staðin upp og farin út aftur. Mætti í vinnuna í morgun og er bara komin strax aftur í helgarfrí.

Rokkhátíðin Aldrei fór ég suður ( sem var reyndar haldin fyrir tæpri viku) var alveg frábær !! Ég brosti allan hringin allt kvöldið. Líka þegar eitthvað leiðinlegt var í gangi sem var nú ekki mikið af en alltaf eitthvað svona ,,voða flott stilla gítara eitthvað rugl" og ég var ennþá brosandi þegar ég vaknaði daginn eftir á hádegi aðeins ringluð. Ég var líka mjög ánægð þáttinn sem hún Helga Vala var með á Rás tvö frá Ísafirði síðasta laugardag og svo At-ið að hafa heilan þátt um hátíðina stórkostlegt komin tími til að sýna eitthvað jákvætt að vestan ekki alltaf bara fólksflótti og atvinnuleysi.

Mikið er ég fegin að hafa ekki horft á Bachelor núna. Kíkti aðeins í gær meðan ég beið eftir Skvísunum og þetta er ömurlegt. Hvað sem hann heitir sem var einu sinni feitur en mjókkaði sig fyrir þetta því þybbið fólk er náttúruleg viðbjóður og ekki hægt að bjóða sjónvarpsáhorfendum uppá svoleiðis, var slefandi uppí þær allar endalaust. Reyndar var Skjár einn búin að sýna hverja hann valdi þegar hann sýndi bleika
brúðkaupið hjá Twistu og Swan. Sem ég ætla nú ekki að byrja tala um.

2004-04-15T14:15:00.000Z

Ég er veik og nenni ekki að blogga. En verð samt að óska henni Önnu til hamingju með daginn í dag ég held hún sé 19 ára ???

2004-04-10T17:38:00.000Z

Það er alveg yndislegt að vera hérna hjá mömmu í fríi hún er líka besta mamma í heimi pabbi er alveg fínn líka. Þau eru pössuðu t.d fyrir okkur í gær ég skellti mér nefnilega á ball í Félagsheimilinu í Hnífsdal. Írafár var að spila og svo ég sleppi nú öllum hroka viðurkenni ég að það var mjög gaman,reyndar búin að fá mér svona tvo bjóra og þá er nú alltaf gaman. Það var alveg ótrúlega mikið af fólki og var það misskemmtilegt eins og það var margt. Þótt ég hafi búið hér í 22 ár þá þekki ég yfirleitt enga nema þá sem ég er með á ballinu enda svo merkileg með mig og nennni ekki að blanda geði við eitthvað pakk.

Fyrr um daginn fórum við rúnt með vinafóllki okkar úr Reykjavík og sýndum þeim nálæg bæjarfélög þeim fannst við ekki áræðanlegir leiðsögumenn þar sem við vorum ekki alltaf viss hvað hin og þessi fjöll hétu. Fjöllin hér eru bara svo mörg að það er ógjörningur að muna öll nöfnin ekki eins og fyrir sunnan þar sem þarf bara að leggja nafn á einum hól á minnið. Sunna og Steini buðu okkur í kaffi og meðlæti margar sortir enda er hún Sunna fyrverandi heimilisfræðikennari( hún er samt ekki orðin þrítug) og alltaf gott bakkelsið hjá henni. Við enduðum svo þennan bíltúr í sumarbústað tengdó þar sem boðið var til þjóðlegar veislu. Boðið var uppá hangikjöt,svið og einnig voru þar fyrir þá alla hugrökkustu sviðalappir ég þurfti ekki að hugsa mig lengi um og borðaði fimm... nei bara plata, fékk í hnén við að sjá þær svona með klaufunum á svo ég fékk mér bara svið. Ennig fengum við harðfisk sem maður fær aldrei nóg af og tengdapabbi á alltaf nóg af.

Í kvöld er svo stefnan sett á tónleikana Aldrei fór ég suður þar ætla ég t.d að horfa á uppáhalds trommaran minn og eitthvað fleira svo verður slappað af það sem eftir er af fríinu enda er langt síðan farið er út tvö kvöld í röð.

2004-04-07T23:31:00.000Z

Ég er búin að drekka ótrúlega mikið vatn síðan ég kom vestur enda er hér besta vatn í heimi. Vatnið kemur úr jarðgöngunum og er það meira svalandi en annað vatn sem ég hef drukkið. Það þarf heldur ekki að láta það renna heillengi til þess að það verði kalt, svo er ekki þessi eggjalykt af heitavatninu eins og sumstaðar. Áður en vatnið fannst í göngunum var yfirborðsvatnsból hér og var því auðveldur aðgangur fyrir allskonar óþverra í vatnið. Á vorin þurfti maður t.d að setja þvottapoka utan um stútinn á baðinu svo karið yrði ekki fullt af mold einnig var magn heilsuspillandi gerla mjög hátt en það hefur bara styrkt hjá manni ónæmiskerfið hugsa ég enda erum við frekar hraust og verðum ekki oft veik. En þegar maður drekkur mikið vatn þá er maður alltaf að pissa svo ég get ekki skrifað meira

2004-04-07T12:28:00.000Z

Þetta virðist vera komið í lag þá dríf ég mig út í góða veðrið þýðir ekkert að hanga inni í tölvunni maður fær bara kassalaga augu af því.

2004-04-07T12:22:00.000Z

Þá erum við búin að skipta um föt og er rautt uppáhaldaliturinn minn. Ég skil samt ekki að ég var að reyna bæta inn nýjum link og hann endar á neðst á síðunni sama hvað ég reyni. Er þetta mjög pirrandi reyndar er ég frekar þreytt því honum Stefáni finnst svo gaman í dekurlandi að hann vaknaði kl sex.

2004-04-06T16:52:00.000Z

Þá er ég komin í alvöru páskafrí til mömmu hér á Ísafirði. Er nýbúinn að borða kökur hjá Elísu systir en Palli hennar átti afmæli í gær. Hér er sól og blíða og er víst aldrei rok hérna fyrir vestan en það verður rokk á laugardaginn jæja þá er ég rokin á skíði .

2004-04-02T22:58:00.000Z

Helvítis Versló þoli þá ekki. Vildi að Borgó myndi vinna Gettu betur en verð sennilegast búin að gleyma þessu á morgun þegar ég vakna.

Mikið er gott að vera komin í páskafrí er meira að segja að borða páskaegg sem ég fékk gefins í dag. Eggið er frá Mónu og er ágætt ég er reyndar meira fyrir eggin hans Nóa en allt súkkulaði er gott. Drakk diet pepsí í kvöld eftir að Magga hvatti mig til þess og sagði að þá gæti ég drukkið gos án þess að hafa 15 sykurmola samviskubit . Eitthvað virist vera í þessu því mér finnst ég vera komin með hjartsláttartruflarnir og þurfa óeðlilega mikið á klósettið svona 700gr í hverri ferð. Er það kannski leiðin að mjónunni ?

Bílinn kom af spítalanum aftur í vikunni og var drifinn í skoðun í dag. Ekki seinna vænna því hann átti að skoða í ágúst í fyrra. Ég er búin að vera skíthrædd síðustudaga þegar ég fer út í bíl á morgnana að löggan sé búin að líma boðun í skoðun á númerið hjá mér um nóttina og ég þurfi að borga himinhá sekt. Reyndar stóð hann sig eins og hetja(bílinn) og flaug í gegn var samt frekar stessandi að horfa á manninn pota í bílinn og segja aldrei neitt. Ég var með kvíðahnút í maganum eins og ég væri í prófi.En síðan límdi hann 05 á bílinn og ég get verið róleg á morgun þegar ég fer út.

Það eru greinileg mjög spennandi tímar í mínu lífi núna þar sem ég sit á föstudagskvöldi og blogga um diet pepsí og bifreiðaskoðanir.

2004-04-01T16:15:00.000Z

Stefán er að horfa á Subburnar svo ég stelst til að blogga aðeins. Ég vil byrja á að biðja Lambastaðarbræður afsökunar. Ég las á öðru bloggi að þeir væru svolítið sárir yfir því að illa hefði verið talað um spilið. Þetta er fínt spil ég er bara svo tapsár að ég var ennþá fúl á mánudeginum þegar ég bloggaði. Bara leyfa mér að vinna næst eða láta mig fá tré í staðinn fyrir allar þessar kindur ég er ekki smali og kann ekkert að reka sauðfé.

Mikið er ég fegin að mars er búin. Þjáðist af mikilli leti og átsýki var ekki róleg nema ég væri að borða eitthvað og varð það helst að vera súkkulði og ekki var verra að skola því niður með kóki þá alvöru ekkert diet drasl. Einnig hefur kortið í Baðhúsinu lítið verið notað meðaltal mætinga var einu sinni í viku en í apríl á allt að vera betra. Fyrsti dagurinn byrjaði bara vel fór á tónleika hjá Sinfóníunni í morgunn með skólanum var það skemmtilegra en að hanga yfir hinu alræmda stærðfræðiefni Geisla. Þessir tónleikar kölluðust ,,Gæsahúð" og var t.d spilað úr Lord of the rings og svo fleiri verk sem öll tengdust nornum og seiðkörlum.

Subburnar eru búnar og er togað í mig svo ég verð að hætta. jjjjjhjjjjjjjjjjjjjjjjjjkjjjjjjjjjjjjjjjjjjjjjjjjjjjjuuuuuuuuuuuuuuuuuuuu 8888888nmbbbkkkkknnnnnn leyfði Stefáni aðeins og eins og þið sjáið þarf hann aðeins að laga stafsetninguna. Það sem hann vildi segja er Ég var að fá bréf frá leikskólanum og byrja í haust.

2004-03-29T09:02:00.000Z

Þá er síðasta vinnuvikan fyrir páskafrí byrjuð. Helgin byrjaði vel brunuðum upp í Borgarfjörð með Lambastaðarbræðrum. Stefán kíkti á meðan á Bergþórugötuna og skemmti sér jafnvel ef ekki bara betur en við. Himininn var heiður og fallegur í Borgarfirðinum og er langt síðan ég hef séð svona margar stjörnur,sáum við líka einn gervihnött skjótast um geiminn. Strákarnir reyndu að að gera okkur ,,húkkt" á einhverju sértrúarspili sem heitir Catan. Eru reglurnar frekar flóknar. Teningum er kastað og maður fær kindur og leir og reynir að skipta því yfir í hey og stál til að geta byggt veg, bæ eða borg og síðan má ekki gelyma þróuninni. Ekki hef ég neina löngun til að spila þetta spil aftur á næstunni svo þeim tókst ekki alveg að veiða mig. Ef þeir hefðu hinsvegar leyft mér að vinna er aldrei að vita hvort ég væri enn að spila Catan(Satan).

Laugardagskvöldið var rólegt enda kominn heim úr bjórdrykkjunni í stjörnubjörtu sveitinni. Horfði á Popp punkt og trufluðu stjórnendur mig svolítið. Dr.Gunni var eins og undanrenna svona skegglaus og í ljósblárri skyrtu, maður sá næstum í gegnum hann. Felix sá maður næstum alls ekki því bolurinn hans og tjaldið bakvið voru í sama lit reyndar held ég þessi neikvæðni hafi stafað af því að Buttercup var að vinna. Það er bara eitthvað við þessa hljómsveit sem ég þoli ekki, hef aldrei gert það og mun aldrei gera.

Bíllinn okkar er á verkstæði og vorum við víst búin að fara svo illa með hann að bremsuslöngurnar voru farnar að bólgna og sitthvað fleira var að sem ég skil ekki og segi bara já þegar það er úrskýrt fyrir mér annars ætti ég að láta bifvélavirkjan tala við Stefán því hann hefur meiri bílaáhuga en foreldrar hans tilsamans. 'I þessu bílleysi labbaði ég allaleið niður úr bæ og heim í gær. Það er mjög langt síðan ég hef labbað eitthvað er alltaf á bíl. Þegar ég kom heim fannst mér ég eiga alveg skilið að borða eitt XXXXXLL Prins póló.

2004-03-26T13:39:00.000Z

Við Stefán erum heima í dag því Kolla dagmamma er veik. Erum hérna í rólegheitum Stefán er búinn að horfa á Stubbana horfir á sömu spóluna aftur og aftur og fær aldrei nóg. Stubbarnir búa víst saman einhversstaðar á grænum hól,með þeim býr Núnú sem er víst voða snjöll ryksuga. Stubbarnir ættu kannski frekar að heita Subburnar því á þessari spólu eru þeir slettandi Stubbabúðing, hendandi Stubbabrauði út um allt og þrífa ekkert upp eftir sig. Þeir búa ekki heldur um rúmið sitt heldur er Núnú á fullu við að þrífa og búa um eftir Subburnar. Er verið að kenna börnum að það sé allt í lagi að sulla og rusla til og þau þurfi ekkert að ganga frá eftir sig af því að Núnú (mamma) kemur og gerir það.

Eurovisionlagið var í Gísla Martein á laugardaginn og strax á mánudaginn var Ísland í dag komið með æsifréttina um að lagið væri stolið. Ég myndi frekar segja að myndbandið sé stolið. Mér finnst ég hafa séð það oft áður, Jónsi með einhverri stelpu upp í rúmi í koddaslag og hlaupandi um í fjörunni og allir voða happý.Kann hann ekki að leika annað en velta sér í fjörunni eða er hann að reyna að undirstrika að hann sé ekki gay ?
Annars fannst mér þetta ekkert spes lag þoli illa svona væmni var miklu hrifnari af Hljómsveit dr.Gunna og er trommuleikarinn þar í miklu uppáhaldi.

Stefán fór í klippingu í gær svo þið fyrir vestan getið tekið rakvélarnar úr hleðslu.Hann er loksins farinn að sjá út úr augunum aftur.Var mikið gert til að halda friðinn ég var með vatnsbrúsan og sprautaði ýmist uppí eða framan í hann. Ekkert mikið bara svona nokkra dropa í einu til aðdreifa athyglinni.

Langar að biðja Orm einfætta að skila sokkum sem hann hefur fengið lánaða úr skúffunum hjá mér ég er með 10 tær og er ekki einfætt.

2004-03-21T11:09:00.000Z

Ég vil byrja á því að óska minnstu systur minni henni Jóhönnu til hamingju með afmælið á fimmtudaginn. Stefán kom heim á miðvikudaginn. Það var hún Elísa systir sem kom með hann. Komu þau fljúgandi og lét Stefán mjög ófriðlega í vélinni ég held að honum hafi verið spillt með ofdekri fyrir vestan t.d heimtaði hann um kvöldið að hann yrði svæfður um kvöldið hann sem fer alltaf að sofa sjálfur. Afa hans fannst hann líka vera orðin frekar vel hærður og munaði litlu að hann hefði farið með hann til rakarans. Ég lofa að það verði búið að klippa hann fyrir páska.

Elísa stoppaði í nokkra daga og erum við búnar að þræða verslanir bæjarins. Við fórum t.d í Ikea og keypti ég trébíla fyrir Stefán sem ég hélt að Emil hefði tálgað en svo voru það bara einhver óþekk börn Kína. Vegna þess að það hefur gengið svo vel með orkideuna keypti ég drekapálma sem virðist vera við hestaheilsu og harðari af sér. Kannski hann sé meira svona fyrir byrjendur en orkidean.

Ef það er einhver sem vill endilega gleðja mig þá sá ég gallajakka og skó sem ég verð að fá fyrir sumarið.

Sigrún og Hildur komu í mat á föstudaginn eldaði ég alveg rosa góðan lax. Sigrún kom með páskaegg fyrir mig það var svo lítið að það borgaði sig ekki að geyma það til páska svo ég boðaði það í gær. Málshátturinn var ,,Neyðin kennir naktri konu að spinna". Maðurinn hennar er tannlæknir og ég held ég sé komin með tannpínu.

2004-03-16T16:52:00.000Z

Hér er allt mjög rólegt og einfalt því Stefán er fyrir vestan og þarf maður bara að hugsa um rassinn á sjálfum sér. Ekki nenni ég að reyna sinna orkideunni því mér sýnist hún hafa gefið upp öndina. Öll blómin eru dottin af og hún byrjuð að skrælna "það er allt í lagi með hana" var sagt við mig um daginn þegar ég fór með hana og síðan hef ég verið ofsótt af fallega blómstrandi orkideum út um allan bæ. Ég hef ákveðið að fleygja henni í hausin á einhverjum strafsmanni Blómavals og heimta nýja því þessi hafi verið dauðvona þegar ég fékk hana.

Ég væri alveg til í að fá í kvöldmat, matinn sem var á árshátíðinni. Það voru kalkúnabringur og voru þær svo mjúkar og góðar og sósan frábær. Skammturinn var frekar stór og það var bara einn á mínu borði sem fékk sér ábót. Hann borðaði eins og hann væri í akkorði, síðan raðaði hann endalaust í sig af konfekti með kaffinu. Við krakkarnir í H-stuð vorum frekar flott og stóð fólk upp og klappaði með þegar við sýndum þeim afrakstur vetrarins í "dance away" vekefninu sem er samevrópskt dansverkefni til að losa um steitu.

Það er mikið af heillaóskum sem þurfa að komast til skila. Ragnheiður og Rúnar eignuðst strák 8. mars og svo fæddist annar strákur 12. mars og var það uppháhalds frænka mín hún Íris og hann Albert sem eignuðust hann. Strákurinn hennar Írisar var 16 merkur og 50,5 cm. Mamma mín á einmitt líka afmæli 12 mars og svo átti pabbi minn afmæli í gær 15. mars vil ég óska öllu þessu fólki til hamingju með tímatmótin í sínu lífi

Er þetta þá ekki orðið gott

2004-03-10T11:48:00.000Z

Stefán er að fara vestur um helgina á meðan mamma hans og pabbi fara á árshátíðir. Þar er greinilega sama grínið í gangi því ég á að koma með fermingamynd og hann með mynd síðan hann var 6-11 ára. Veit einhver út á hvað þetta gengur ? Er ennþá að vesenast með þessi föt og nennti ekki að gera neitt í gær bara horfa á sjónvarpið. Get stundum orðið pirruð á öllu þessu drasli sem er boðið upp á svo er rassinn á manni svo þungur að það er ekki hægt að standa upp og fara gera eitthvað annað. 'A síðasta föstudag sá ég t.d. þátt á Popptv sem hét 100ogeinn. Þar var einhver hárgreiðslu hommi með míkrafón sem fór á Vegamót að tékka á gellum. Gekk þetta út á að tala við stelpur í fleygnum bolum og spyrja stráka hvort það væru einhverjar gellur á staðnum rosalega spennandi og spyrillinn varð alltaf meira fullur eftir því sem leið á nóttina. Vonandi leið honum jafn illa og mér þegar hann horfði á þetta.

2004-03-07T23:22:00.000Z

Ég veit ekki alveg afhverju sami textinn kom fjórum sinnum ég gerði ekkert vitlaust.
Er byrjuð að gera pils fyrir áshátiðina en litunin á efninu í toppinn tókst ekki vel ég reyndi í þrjá tíma og er það ennþá grátt ég verð þá eins og málmklumpur þar sem pilsið er gyllt.

2004-03-06T22:19:00.003Z

Verð að vera dugleg að blogga eitthvað svo Magga marsóða skammi mig ekki fyrir leti.
Þetta var ekki góður dagur þótt það væri nammidagur ég er bara búin að borða óholt td. fjórar brauðsneiðar með hnetusmjöri og sultu ,bland í poka og meira til en á eftir eitt Milky way sem ég reyni að troða í mig á eftir. Veit ekki alveg með þetta nammid. system ég held ég borði meira núna en áður.
En dagurinn byrjaði einhverntíma í nótt þar sem Stefáni fannst voða sniðugt að vakna kl 4 og vera vakandi í svona tvo og hálfantíma og vakna svo aftur fyrir átta,maður er ekkert rosahress.Ég staulaðist fram til að ná í Fréttablaðið en þá er það ekki komið ég varð alveg ofboðslega pirruð fyrst ég þurfti að drattast á lappir svona snemma þá ætlaði ég að lesa blaðið og fá mér te en nei ekkert blað og ég held að þetta blaðabarn ætti að fá sér nýja vekjaraklukku því blaðið kom kl 3.
Svo eftir að hanga inni annan dag líður mér eins og ég sé orðin veik svo ég dreif mig út í smá göngutúr en þar sem ég var ekki að fara neitt sérstakt og ekki með vagnin leið mér eins og hálfvita og vissi ekkert hvernig ég ætti að vera og var komin heim eftir fimm mínútur.
Orkidean er söm við sig ekkert að hressast kannski ætti ég að prufa gefa henni einn stíl ?

2004-03-06T22:19:00.002Z

Verð að vera dugleg að blogga eitthvað svo Magga marsóða skammi mig ekki fyrir leti.
Þetta var ekki góður dagur þótt það væri nammidagur ég er bara búin að borða óholt td. fjórar brauðsneiðar með hnetusmjöri og sultu bland í poka og meira til en á eftir eitt Milky way sem ég reyni að troða í mig á eftir. Veit ekki alveg með þetta nammid. system ég held ég borði meira núna en áður.
En dagurinn byrjaði einhverntíma í nótt þar sem Stefáni fannst voða sniðugt að vakna kl 4 og vera vakandi í svona 2 og hálfantíma og vakna svo aftur fyrir átta maður er ekkert rosahress.Ég staulaðist fram til að ná í Fréttablaðið en þá er það ekki komið ég varð alveg ofboðslega pirruð fyrst ég þurfti að drattast á lappir svona snemma þá ætlaði ég að lesa blaðið og fá mér te en nei ekkert blað og ég held að þetta blaðabarn ætti að fá sér nýja vekjaraklukku því blaðið kom kl 3.
Svo eftir að hanga inni annan dag líður mér eins og ég sé orðin veik svo ég dreif mig út í smá göngutúr en þar sem ég var ekki að fara neitt sérstakt og ekki með vagnin leið mér eins og hálfvita og vissi ekkert hvernig ég ætti að vera og var komin heim eftir fimm mínútur.
Orkidean er söm við sig ekkert að hressast kannski ætti ég að prufa gefa henni einn stíl.

2004-03-06T22:19:00.001Z

Verð að vera dugleg að blogga eitthvað svo Magga marsóða skammi mig ekki fyrir leti.
Þetta var ekki góður dagur þótt það væri nammidagur ég er bara búin að borða óholt td. fjórar brauðsneiðar með hnetusmjöri og sultu bland í poka og meira til en á eftir eitt Milky way sem ég reyni að troða í mig á eftir. Veit ekki alveg með þetta nammid. system ég held ég borði meira núna en áður.
En dagurinn byrjaði einhverntíma í nótt þar sem Stefáni fannst voða sniðugt að vakna kl 4 og vera vakandi í svona 2 og hálfantíma og vakna svo aftur fyrir átta maður er ekkert rosahress.Ég staulaðist fram til að ná í Fréttablaðið en þá er það ekki komið ég varð alveg ofboðslega pirruð fyrst ég þurfti að drattast á lappir svona snemma þá ætlaði ég að lesa blaðið og fá mér te en nei ekkert blað og ég held að þetta blaðabarn ætti að fá sér nýja vekjaraklukku því blaðið kom kl 3.
Svo eftir að hanga inni annan dag líður mér eins og ég sé orðin veik svo ég dreif mig út í smá göngutúr en þar sem ég var ekki að fara neitt sérstakt og ekki með vagnin leið mér eins og hálfvita og vissi ekkert hvernig ég ætti að vera og var komin heim eftir fimm mínútur.
Orkidean er söm við sig ekkert að hressast kannski ætti ég að prufa gefa henni einn stíl.

2004-03-06T22:19:00.000Z

Verð að vera dugleg að blogga eitthvað svo Magga marsóða skammi mig ekki fyrir leti.
Þetta var ekki góður dagur þótt það væri nammidagur ég er bara búin að borða óholt td. fjórar brauðsneiðar með hnetusmjöri og sultu bland í poka og meira til en á eftir eitt Milky way sem ég reyni að troða í mig á eftir. Veit ekki alveg með þetta nammid. system ég held ég borði meira núna en áður.
En dagurinn byrjaði einhverntíma í nótt þar sem Stefáni fannst voða sniðugt að vakna kl 4 og vera vakandi í svona 2 og hálfantíma og vakna svo aftur fyrir átta maður er ekkert rosahress.Ég staulaðist fram til að ná í Fréttablaðið en þá er það ekki komið ég varð alveg ofboðslega pirruð fyrst ég þurfti að drattast á lappir svona snemma þá ætlaði ég að lesa blaðið og fá mér te en nei ekkert blað og ég held að þetta blaðabarn ætti að fá sér nýja vekjaraklukku því blaðið kom kl 3.
Svo eftir að hanga inni annan dag líður mér eins og ég sé orðin veik svo ég dreif mig út í smá göngutúr en þar sem ég var ekki að fara neitt sérstakt og ekki með vagnin leið mér eins og hálfvita og vissi ekkert hvernig ég ætti að vera og var komin heim eftir fimm mínútur.
Orkidean er söm við sig ekkert að hressast kannski ætti ég að prufa gefa henni einn stíl.

2004-03-05T16:14:00.000Z

Stefán fór í 18 mánaða skoðun síðasta föstudag þar var hann vigtaður og mældur og er orðinn 85cm og 10.6kg hann fékk líka sprautu og sagði læknirinn að hann gæti fengið hita eftir svona viku. Í morgun þegar við vöknuðum var hann kominn með hita svo við erum búin að vera heima í dag. Þegar maður þarf að vera heima langar mann rosalega mikið að vera annarsstaðar. Ég er alltaf að leita mér að einhverju að borða og er búin með heilan pakka af Remi súkkulaðikexi (það eru reyndar bara 12 í pakkanum) sem var ætlaður fólki sem kæmi í heimsókn. Þar nammidagakerfið en vonandi læt ég nammipokan sem er uppi í skáp vera.
Orkidean er ekkert hress þótt hún sé búin að fá bollan sinn fyrir þessa viku. Ég fór með hana í Blómaval á síðustu helgi útskýrði fyrir konu sem var að vinna þarna að ég væri ekki búin að gefa henni of mikið að drekka og væri búin að setja hana inn á bað. Henni fannst þetta ekkert merkilegt og sagði að hún myndi jafna sig henni hefði kannski orðið kalt. Þetta var svona eins og þegar maður fer til læknis hann segir að það sé ekkert að og maður eigi bara að taka lýsi.
Við Kristján erum að fara á árshátíðir á næstu helgi þær eru á sömu helginni svo við verðum að fara í sitthvorulagi. Ég er búin að ákveða í hvaða skóm ég ætla að vera en er í algjörum vandræðum með restina. Litaði í gær silki sem átti að verða svart en var silfurlitað og er það ekki alveg að ganga því skórnir eru gulllitaðir en ég reyni aftur í kvöld og vonandi tekst þetta. Annars er sköpunargáfan einhversstaðar í fríi því mér hefur ekki gengið nógu vel að ákveða hvað ég ætla svo að gera úr þessu efni.Ég er ég líka búin að lofa Kristjáni að ég klári jakkafötin sem ég gaf honum ermina af í jólagjöf árið 2000. Það hefur örugglega aldrei tekið svona langan tíma að gera ein föt þótt ég sé nú stundum lengi að vinna þá eru þrú á allt of langur tími.
Dr.Gunni minnti áhorfendur Skjás eins á að horfa á Fólk með Sirrý (ætli hann horfi oft) á miðvikudagskvöldið og ég kikti aðeins og hún mætti nú alveg fara að fá sér nýja eyrnalokka í staðin fyrir þetta músanet sem hú er alltaf með í eyrunum.
Jæja nú vaknar Stefán og þá er bloggtíminn búin því hann vill alltaf hjálpa til en er bara ekki nógu góður í stafsetningu ennþá.

2004-02-28T01:43:00.000Z

Þetta er nú meira ruglið ætlaði að setja teljara hér inn en ruglaði öllu kerfinu og þurfti að setja síðuna upp aftur. Er búin að vera í endalausu rugli þegar ég ætlaði svo að setja linkana inn aftur kom bara eitthvað rugl svo mér dettur ekki í hug að blogga neitt þetta er algjört kjaftæði og djöfulsins rugl góða nótt. Það er reyndar spurning hversu góð hún verður þar sem mér heyrist eitthvað partý vera að gerjast hér í húsinu. Pakk

2004-02-25T14:20:00.000Z

Mikið rosalega var gaman á laugardagskvöldið. Við au-perurnar hittumst og töluðum um gamla tíma og hlustuðum á sömu tónlistina og við gerðum þá. Það er voðagott að geta gengið að því vísu að það verði gaman. Eftir við vorum búnar með endurtekna efnið fórum við í bæinn í leit að nýjum sögum og fundum þær á Nasa þar sem Nýdönsk spilaði.Sumar enduðu með marbletti á hnjánum eftir að flækjufóturin á undan hrasaði í gólfið, svo er búið að merkja eina klósetthurð í vesturbænum og ég endaði heima með risa trefil sem var troðið upp á okkur í fatahenginu þar sem ein var stungin af heim þorðum við ekki annað en að taka hann með okkur svo ef einhver saknar hans þá er hann hjá mér.
Þegar ég vaknaði seint á sunnudaginn var engin heima, strákarnir mínir voru farnir og voru svo almennilegir að leyfa mér að sofa lengur. Þegar þeir komu aftur færðu þeir mér konudagsgjafir. Ég fékk bleika orkideu og súkkulaði. Orkidean hefur nú samt verið eitthvað slöpp en við höfum reynt að hjúkra henni eftir bestu getu. Þettu eru voða sérvitur blóm og á maður að taka þær með sér í bað og svo vilja þær helst regnvatn að drekka en það hefur bara ekkert ringt síðan ég fékk hana. Ætli maður eigi þá að fara með hana í göngutúr þegar það rignir ? En við erum hætt öllu rugli á þessu heimili til að geta sinnt plöntunni. Sem betur fer er þetta eina plantan sem við eigum kannski hefðum við átt að byrja á kaktus.

2004-02-21T16:06:00.000Z

Í kvöld er ég á leiðinni í patý með Au-pair vinkonum mínum. Við vorum allar á sama tíma úti í Englandi og gerðum mikið saman. Þetta eru alltaf mjög skemmtileg partý en örugglega ekki fyrir aðra en okkur þar sem við getum endalaust hlegið að sömu sögunum aftur og aftur t.d þegar dúfa skeit í hárið á mér, þegar Stína sagði "excuse me if I fart" í leigubílnum og bílsjórinn sagði að það væri ekkert mál, þegar Magga borðaði allt Marsið, þegar við vorum á þorrablótinu í London með snobbaða pakkinu og þegar við sungum Meistara Jakop í keðjusöng í undergroundinu. Þetta munum við allt rifja upp í kvöld eins og í öllum patýum sem við höldum og erum gjörsamlega óþolandi því okkur finnst við svo fyndnar svo það er best við erum útaf fyrir okkur.
Er að baka vatnsdeigsbollur á að vera eitthvað einfalt en mér sýnist þetta vera frekar einhverkonar ormar hjá mér frekar en bollur.
Verð aðeins að minnast hér í lokin á valið á kynþokkafyllstu konunni sem vaar á Rás 2 í gær. Var að hlusta á útvarpið og maður hringdi inn og sagðist vilja kjósa Jóhönnu Vilhjálms á Stöð 2 af þvi hún hefði svo mikla útgeislun ég trúði ekki mínum eignin eyrum því hún hefur álíka útgeilslun og ísmoli.

2004-02-18T14:12:00.000Z

Ég er nú meiri bloggarinn það gerist aldrei neitt hér. Er að fara í klippingu til hennar Sússu á eftir og það er alveg frábært því ég vaknaði með alveg skelfilegt hár í morgun og verð orðin skárri seinnipartinn held mig bara inni þangað til.
Gerði mjög góð snyrtivörukaup á helginni fékk 2 fyrir 1 þegar ég var að kaupa krem. Konan sem aðstoðaði mig var líka bara ágæt, ég gruna svona konur alltaf um að reyna selja manni eitthvað rándýrt og stundum eru þær frekar dónalegar þegar maður er ekki með heila málingardollu framan í sér. Var einu sinni að kaupa mér sólarvörn fyrir fyrstu sólarlandaferðina. Fór í búð og konan þar sagði að ég væri mjög ljós og seldi mér stekustu vörnina sjálf hafði hún örugglega aldrei notað vörn því hún var eins og skorpin skósóli og ég kom heim jafn hvít og fuglaskítur.
Er sammála Kuldabola um hlómsveitina Á móti sól og finnst alveg skelfilegt ef Buttercup ætlar eitthvað fara láta í sér heyra þeir ættu bara að sleppa því

2004-02-13T15:43:00.000Z

Það er best að henda einhverju hérna inn svo sumir haldi ekki að ég hafi gefist upp strax. Við Stefán erum komin í helgarfrí eftir ágætan vinnudag. Í bekknum mínum var furðufatadagur og var ekki erfitt fyrir mig að finna eitthvað. Ég var í köflóttu,röndóttu og rósóttu og í "converse" pallíettuskónum mínum ég var furðulegust af öllum en vakti samt mikla lukku á göngunum.
Stefán kveikti á sjónvarpinu í gær fyrst millistykkinu og svo sjónvarpinu og núna er hann búinn að setja Stóra hvell á fóninn svo ég held ég hætti núna áður en hann fer að setja í vél.

2004-02-11T23:17:00.000Z

Verið velkomin hingað inn til mín. Þetta er þriðja síðan mín á einni viku, gleymdi lykilorðinu um leið og ég var komin út af fyrstu síðunni og var beytt smá þrýstingi til að breyta næstu. En hér ætla ég að vera og vonandi verður það gaman. Ég ætla samt ekki að vera fyndin, það eru aðrir sem sjá um það og gera það bara vel. Sjáumst síðar